القدس

موضوع: القدس الأربعاء فبراير 27, 2008 10:30 pm

تخيلوا لو يفزع الجار للجار
في مجتمع حاقد وغاضب ومشحون

وتخيلوا لو تلتفت كل الانظار
للمشهد اللي وقفت دونه عيون

وتخيلوا لما رحى الحرب تندار
مابين حكام العروبه وصهيون

اليا متى نستقبل ذنوب باعذار
واليا متى نستنزف جروح بطعون

نتبع خطا تيار ونصد تيار
نبعد وعدوان السلمين يدنون

لو كان بقلوب العرب صبر واصرار
ماكان سوو اللي يسوون

باهمالكم بدلتم الثار بالعار
بعتم تراب القدس وانتم تشوفون

حنا كذا بمعارض الراي شطار
لين استوى بالمجد عالي ومطمون

من كثر ماكنا نجامل ونحتار
صرنا نخاف نعارض اللي يقولون

القدس تصرخ والسماء تحصد اعمار
والدم ينزف والارامل يموتون

وارواح تسلب والاعصاب تنهار
واطفال تعدم والبشر مايحسون

خمسين عام نحارب الشرك بحجار
وبسكوتنا نبني عمارات وحصون

ننسى وكن اللي حصل شي ماصار
نسكت وكأن مابيننا شخص مغبون

لين اشربوا من دم الاسلام كفار
وبعوقنا صاروا يروحون ويجون

استضعفوا لين اضعفوا كل الاقطار
ساقوا غضبهم والاوادم يصلون

يستدرجون العزل السمح الابرار
يستمتعون بقتل الاطفال بالهون

ماكنه الا شعب مخلوق غدار
في قلب لاساكن ولاهوب مسكون

بالذل ما تلقى على صيته غبار
كبارهم واطين وصغارهم دون

لابارك الله فيهم صغار وكبار
ولا جمع الله شملهم وين يسعون

وماتنطفي شمس الحقيقه ولو جار
فينا زمن الذل والضعف والهون

ودام الفشل والضعف ثلثين الاضرار
لابد ما نضحك ولا بد يبكون

وان كانت قلوب العرب تنذر انذار
ليش نتجاهلهم وهم يستبدون ؟

الناس قالت حارب النار بالنار
وما الله خلق للادمي عمر مضمون

وان كانت الفزعه من احرار لاحرار
حنا البروق اللي غدت سحب ومزون

وحنا السكوت اللي سبق عصف واعصار
وحنا سباع الكون يالعنه الكون

وحنا عرب والعرب ماتترك الثار
بافعالنا ماهي بقولت يقولون

نزعل ولكن بالزعل دمنا حار
نفزع ليا شفنا العذارى يصيحون

عقالنا معهم من العلم مقدار
ومجنونا ينطح ثمانين وجنون

ياشعب ياثاير وياشعب مغوار
هون من اسباب المعاناه وتهون

اصرخ بعالي الصوت واجهر اجهار
وخل اليهود ان مادروا عنك يدرون

واجمع شتات الوقت تذكار تذكار
واذكر مواقف كل طاعن ومطعون

حارب بدين الخالق النافع الضار
واستذكر الرحمن وابليس ملعون

واطرد من الظله عدوين الذكار
وان جوك والا جعلهم مايردون

ورح قلهم حنا على كل مشوار
وذوقوا مرارة نصف ماتستحقون

واذا رضيتوا قولوا الوقت دوار
واذا زعلتوا سوو اللي تسوون