انت اللي خسران

أنت اللي خسران يوم أنك تزعلني
والا أنا واجد أحبابي وخلاني

أن كان ربي عطاني عمر وامهلني
مصيرك تشوف من يندم على الثاني

بتجاهلك ماهو بس أنت تجاهلني
عهد علي اني أنسى من تناساني

وأعاملك مثل ماشفتك تعاملني
أن قاله الله وعد يجيك ماجاني

مسكين.. حدّك اذا مفكر تشغلني
ماتهز شعره.. علشان تهز وجداني

كني أشوفك تجي بكره تحايلني
وتقول توبه.. ماعاد اعودها ثاني

وأقول لك:روح يالله لاتجادلني
حرّمت أنا مايجي لسانك على لساني

دامك بديت تحداني..تحملني
من قالك ياصغيرون تحداني