مقارنه البنت بالولد

مقارنه البنت بالولد
<hr style="COLOR: #752e41" SIZE=1>

اثبتت التحريات ان البنت احسن من الولد بميت مره
وخليكوا معايا كده وهنثبت ده بالدليل القاطع والدامغ وكل اللى نفسكوا فيه
بس خلى عندكوا طولة صبر بقلا لأن الموضوع كبير كبيييييييييير
ومحدش ييجى يشتكى بعد كده ...ويقول يا واد يا كروم الموضوع طويييل اوى
أنا نبهتكوا

يلا نبدأ الإثباتات بالصلاة على النبى

تتكلم براحتها في التليفون وابوها او جوزها اللي هيدفع
الفاتوره ولو معاهوش فلوس ان شاء الله يسرق او يختلس

البنت مش ملزمه تجهز نفسها ابوها او خطيبها اللي هيدفعو دم قلبهم
واتفرج على التحكم
الاوضه دى خشبها مش كويس الفورمه دى مش عجبانى انا عاوزه
سرير اطول من ده قال يعنى هتتجوز تريبل اتش

مفيش حد بيبص علي بدله العريس كله بيركز في فستان العروسه

لو واحده عملت مخالفه مرور تتمسكن شويه للظابط وهو يعديها
لو راجل....من قبل ما يتكلم تلاقى الظابط اتفتح اركنلى على جنب ياروح امك يا بن الـــــــــــــــــــــــ

البنت مش ملزمه تدفع ضرايب ابوها او جوزها بيدفعوها وهيه ولا فى الدماغ
امال الرجاله بيجيلها شلل من شويه

لو واحده مدتش لقرايبها عديه مفيش حد هيتكلم ولا يقول ياه دا راجل
تبت وبخيل ومعفن ومقرح وجربان وابخل من ديل الكلب

لو واحده متاخره علي المحاضره ممكن تبص للدكتور وتقوله سورى يا دكتور يروح مدخلها
لو ولد اتاخر وقال للدكتور انا اسف بس والله المواصلات كانت صعبه والعربيه اللى كنت فيها عملت حادثه
اتفرج بقى يقوله لاهو انت فاكر الكلام ده هيخيل عليه
تلاقيك كنت سهران مع الشله الفسدانه لنص الليل
انت متحضرليش محاضرات تانيه اطلع بره فى مكان فى الكافيتريا للى زيك يا فاشل

لو بنت فى وسط المحاضره عطشت وحبت تشترى كانز تقوله يادكتور من فضلك عايزه اخرج يقولها ليه
تقوله عندى ظروف
تلاقى الباب اتفتح فى ثوانى وقالها اتفضلى من غير ما يسأل ايه الظروف دى
لو ولد جاله تليفون فى وسط المحاضره بيقوله تعالى بسرعه ابوك مات
يجرى وهوه بيعيط يا دكتور انا لازم اخرج دلوقت
الدكتور يقوله ليه هيه جامعه ابوك ارجع مكانك اترزع يقوله
يا دكتور بابا مات لازم اخرج الدكتور يقوله مش مهم تحضر الدفنه
كفايه تحضر العزاء ارجع مكانك ياااااااض

لو حصل زعل بين بنت وباباها مش هيطردها بره البيت يادوب شخطتين او خبطه بحنيه
لييييييييه عشان البنت عضمها طرى ومتستحملش
لو ولد بقى بالبونيات والشلاليت ويديله صينيه يكومه على الارض زى الخيشه
ويادوب يلحق مكان ينام فيه جنب البواب

لو فى الامتحانات والبنت حاولت تفكر انها تقول ياغش الف مين عاوز يساعد
وتلاقى الولد يرفعلها كراسه الاجابه وبعد ماتخلص يقولها حاجه تانى يا آنسه
ويبقى شعاره ايد لوحدها متسقفش ولازم نساعد بعض
لو ولد بقى فكر انه يغش
تلاقى اللى جنبه بيزغرله كانه ياعبنى قاتل ابوه
ولو حاول يشب يبص على ورقه اللى جنبه تلاقى اللى جنبه اتكلفت على الورقه زى التعبان عشان ميشوفش حاجه
ويبقى شعاره الغش حرام ومن غشنا فليس منا
وفى الاخر يقولك البنات بتنجح اكتر من الولاد

لو راكب اتوبيس وبنت دخلت وملقيتش مكان اتفرج على اللى هيحصل
يا سلام عصر صلاح الدين الايوبى يرجع وكل واحد يعمل فيها الفارس النبيل
والشهامه تبقى مش عارفه تروح فين واتفضلى يا آنسه والتانى يقوله واللهى ماهى قاعده الا هنا
هو ينفع انتى تقفى واحنا قاعدين امال فين الشهامه والمرؤه

لو راجل دخل لو حتى عيان وعجوز ومش قادر
ياسلام عصر جنكيز خان يرجع والتكشيره تترسم على وشوشهم
وتلاقى كل الركاب يبصوا من الشباك اللى بيشم شويه هواء واللى بيتفرج على المحلات
عشان عنيهم متجيش فى عين الراجل اللى ياعينى رجله اتخدلت من الوقفه وقرب يعيط

لو بنت سقطت آخر السنه وعيطت شويه معلش يا حبيبتى خيرها فى غيرها والسنه الجايه شدى حيلك
لو ولد سقط ياخرابى يالهوى يا خساره تعبى فيك انت اصلا ملكش تعليم انت فاشل
انت من بكره تنزل تشتغل مع الاسطى دقدق الميكانيكى انت خساره فيك اللقمه ياكلب

لو بنت فشلت فى التعليم تقعد فى البيت وتعمل شغل البيت وتقعد تستنى العريس
لو ولد فشل فى التعليم ينزل يغسل صحون فى الكازينوهات او يبيع مناديل فى
اشارات المرور اويسرح بترمس على الكورنيش

لو حرامى نط على البيت الاب والام يجروا يتطمنوا على البنات ومتتخضيش ياحبيبتى ده خلاص قشط البيت ومشى
البنت بقى تقول يا مامى معقوله حرامى فى بيتنا انا منهاره هاتولى نشادر اعصابى
لو حرامى نط على نفس البيت
الاب بقى يشتغل على الصبيان امال البيت مكانش فيه رجاله ولا ايه
ده مش عامل اعتبار لحد
ماهو لو عارف ان البيت فيه رجاله مكانش عملها لكن انا مخلف شويه خرفان

هههههههههههههههههههههههههههههههههههههههههههههههه

هههههههههههههههههههههههههههههههه

هههههههههههههههههههههههههه

كل هاي حامل على البنات

اذا انت اسمك دلوع العيله

ياود يادلوع

ههههههههههه

هههههههههههههههههه

شو هاي يا دب !!
لا بجد مستحيل بطق من الضحك

وبعدين شوشه ليش تغاري
شو دخلك انتِ !!

ههههههه يسلمووو